20 красавіка, у Міжнародны дзень кітайскай мовы, у Нацыянальнай бібліятэцы прайшоў семінар-прэзентацыя кітайскіх электронных інфармацыйных рэсурсаў.
Увазе слухачоў былі прадстаўлены інфармацыйныя рэсурсы для адукацыі, навукі і культуры на электроннай мультымоўнай платформе Wanfang Data, заснаванай Інстытутам навукова-тэхнічнай інфармацыі Кітая (ISTIC), Міністэрствам навукі і тэхналогій КНР.
Wanfang Data прадстаўляе доступ да баз даных часопісаў, дысертацый, матэрыялаў навуковых канферэнцый, заканадаўства, патэнтаў, стандартаў, нацыянальных навуковых узнагарод і дасягненняў, кітайскага індэкса навуковага цытавання і змяшчае інфармацыю па навуцы, тэхніцы, медыцыне, бізнесе, культуры.
Другая частка семінара была прысвечана кітайскім выданням – кнігам, газетам, часопісам, даступным на платформе “ИВИС”.
У якасці запрошаных спікераў выступілі Јu Bangnan, генеральны дырэктар кампаніі Wanfang Data Corporation (International) Limited, і Дзмітрый Ушанаў, дырэктар па продажах і маркетынгу ТАА “ИВИС”.
Запрашаем да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.
