24 верасня ў Малой зале імя Р. Шырмы Белдзяржфілармоніі адбыўся літаратурна-музычны вечар “Без той песні я жыць не магу...” паводле твораў паэта-песенніка А.Г. Русака.
У літаратурна-музычным вечары брала ўдзел Нацыянальная бібліятэка Беларусі, супрацоўнікі якой падрыхтавалі кніжную выстаўку “Адам Русак. Жыццё ў песні”. Экспазіцыя ўключала каля 40 выданняў і ілюстрацый, якія адлюстроўвалі творчую дзейнасць таленавітага беларускага паэта і музыканта, – зборнікі вершаў, творы для дзяцей, ноты з музычнымі творамі на яго вершы.
Паэзія Адама Русака адрозніваецца напеўнасцю, задушэўным лірызмам, мяккім народным гумарам, лёгка кладзецца на музыку. Сёння ў народзе жыве нямала песень, створаных вядомымі кампазітарамі на вершы Адама Герасімавіча. А такія творы, як “Бывайце здаровы, жывіце багата”, “Толькі з табою”, “Не шукай”, “Лясная песня” і іншыя, перакладзены на многія мовы, і сёння іх спяваюць далёка за межамі Беларусі.
Выстаўка прыцягнула вялікую ўвагу ўдзельнікаў вечара, выклікала шчырую зацікаўленасць і атрымала добрыя і нават узнёслыя водгукі.
 |
 |
 |
 |
 |
 |
 |
 |
 |
 |
 |
 |
 |
 |
 |
