19 ліпеня ў рамках візіту ў Рэспубліку Беларусь Нацыянальную бібліятэку Беларусі наведала дэлегацыя Амурскай вобласці Расійскай Федэрацыі на чале з губернатарам Алегам Кажамякам.
У Нацыянальнай бібліятэцы Беларусі гасцей сустракала першы намеснік дырэктара па абслугоўванні карыстальнікаў і ідэалогіі Алена Далгаполава.
Для членаў дэлегацыі была арганізавана аглядная экскурсія, падчас якой яны азнаёміліся з работай бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў. Экскурсія прадоўжылася на адкрытай агляднай пляцоўцы бібліятэкі, адкуль можна паглядзець на маляўнічыя віды сталіцы і наваколля.
У музеі кнігі да ўвагі гасцей была прадстаўлена калекцыя рарытэтных выданняў з фондаў Нацыянальнай бібліятэкі Беларусі.
 |
 |
 |
 |
 |
 |
