26 лістапада адзначаліся 84-я ўгодкі з дня нараджэння Уладзіміра Караткевіча. Запрашаем у вандроўку па родных мясцінах пісьменніка ў Оршы.
Напачатку завітаем у Музей Уладзіміра Караткевіча. Ён размяшчаецца ў будынку, які з’яўляецца помнікам архітэктуры канца XIX – пачатку XX стагоддзя (вуліца Леніна, 26). Цікава, што ў гэтым доме раней была радзільная зала, дзе і з’явілася на свет немаўлятка, будучая наша зорка – Уладзімір Караткевіч.
Усе экспанаты размешчаны ў дзвюх залах. Экспазіцыя "Жыццё, творчасць і літаратурная спадчына У.С. Караткевіча" распавядае пра творчы і асабісты лёс пісьменніка, яго грамадзянскую пазіцыю. Тут прадстаўлены асабістыя рэчы, дакументы, фотаздымкі, архіўныя матэрыялы, аўтабіяграфія, арыгінальныя рукапісы, сяброўскія шаржы, малюнкі Уладзіміра Сямёнавіча, кнігі з подпісамі на памяць, выказванні і лісты сучаснікаў.
Пры музеі дзейнічае навукова-даследчы цэнтр, які займаецца вывучэннем творчасці Уладзіміра Караткевіча. Даследчыкі – людзі, апантаныя сваёй працай. Яны па крупінках збіраюць матэрыял пра пісьменніка не толькі ў ваколіцах Оршы, але і ў розных іншых месцах нашай краіны, дзе жывуць героі яго твораў.
Наша вандроўка працягваецца, і мы трапляем у дзіцячы парк. Тут знаходзіцца помнік Караткевічу. Існуе версія, што манумент стаяў на месцы дома, у якім з маленства жыў Уладзімір Сямёнавіч. Па словах навуковага супрацоўніка Музея Уладзіміра Караткевіча Вольгі Пашковіч, сёння помнік прыкладна ўказвае на месца, дзе да вайны знаходзілася родная хата літаратара. Аднак дзе канкрэтна яна стаяла, не памятала нават яго родная сястра.
Крыху ніжэй адкрываецца цудоўны краявід – Дняпро, якім яго бачыў маленькі Уладзімір, і прырода, якая яго так натхняла. Дняпро – люстэрка душы Караткевіча, люстэрка, у якое і па сённяшні дзень глядзяцца хаты і дрэвы Задняпроўя…
Едзем далей. У цэнтры Оршы – былы езуіцкі калегіум, які рэканструявалі дзякуючы "Дажынкам" у 2008 годзе. Тут знаходзіцца дзіцячая гарадская бібліятэка імя У. Караткевіча.
Ідзем ад цэнтра на вуліцу Чарняхоўскага. І адразу бачым былую школу № 5, якую скончыў Уладзімір Караткевіч. Цяпер гэта Аршанскі гарадскі цэнтр фізічнай культуры, турызму і краязнаўства дзяцей і моладзі.
А вось гарадская школа № 8 па вуліцы Магілёўскай, на ёй шыльда з надпісам пра тое, што тут у 1956–1958 гадах працаваў Уладзімір Сямёнавіч.
Накіроўваемся на вуліцу Караткевіча. Яна невялічкая і знаходзіцца амаль на самым выездзе з горада ў бок Віцебска. Дзякуючы намаганням жыхароў Оршы тут ёсць прыгожы барэльеф пісьменніка, яго аўтограф і памятная шыльда.
А вось і хата, дзе жыў пісьменнік у 1956–1958 гадах. На доме маецца шыльда, для існаванне якой паклапаціліся родныя літаратара. Тут жыве пляменнік Уладзіміра Сямёнавіча.
Зусім недалёка ад караткевічаўскага жытла спускаемся да яго ўлюбёнага Дняпра, да дрэў, якія яшчэ памятаюць пісьменніка. Можа, яшчэ дасюль тут лунае яго дух, рыбаліць, смяецца з нас, занядбаных, і ціхенька бае казкі маленькім аршанцам?..
Чытайце таксама:
- Отрывки из произведений Короткевича звучат в общественном транспорте Орши
- Богданович в стиле нуар
- Короткевича воплотили в дереве
- Влюблённый Короткевич
- Изданы первые тома нового собрания сочинений Короткевича
- Прадставілі комікс па матывах "Дзікага палявання караля Стаха"
- В Риге прошел фильм "Дикая охота короля Стаха"
- Центру белорусской культуры в Киеве присвоено имя Короткевича
- Отчаянная партия
- Героі нашай краіны
- Сардэчныя таямніцы класіка
- Фантасмагория на тему истории
- "Дикая охота короля Стаха" издана на английском
- Руины тридцать лет спустя
- Подписка на 25-томное издание Короткевича продлена
- О новом собрании сочинений Короткевича
- В Киеве открыт памятник Владимиру Короткевичу
- Объявлена подписка на 25-томник В. Короткевича
- Открыта мемориальная доска в честь Владимира Короткевича
- Презентации книги В. Короткевича прошли в десяти странах
- Государство поддержало инициативу ТБМ
- Символ единения на киевской улице
- "Король Стах" на Балтике
- Киевская презентация нового издания повести В. Короткевича
- Выкуплены права на экранизацию "Черного замка Ольшанского"
- По роману Короткевича готовится сценарий для фильма
- Памятник Владимиру Короткевичу появится до конца года в Киеве
- Музыкальный вечер в филармонии "Был. Есть. Будет"
- Презентация книги "Дикая охота короля Стаха"
- Орша празднует юбилей Владимира Короткевича
- "Мир щедрый. Мир меня повторит…"
- Владимиру Короткевичу посвящается
- Владимир Короткевич – на экране
- В Таллине появилась библиотека имени В. Короткевича
- В Киеве откроют памятник Короткевичу
- Готовится 25-томник Короткевича
- В Минске возведут памятник Владимиру Короткевичу
- Разработан план мероприятий к 80-летнему юбилею В. Короткевича
- Повесть Короткевича станет оперой и выйдет в уникальном издании
- Конкурс на создание памятника Короткевичу в Киеве
- Улица имени Владимира Короткевича появится в Рогачеве
- В Калининграде читают Быкова, Короткевича и белорусские сказки
- Память о Короткевиче будет увековечена под киевскими каштанами
- Минские суворовцы читают Быкова и Короткевича
- В "Академкниге" – голоса В. Короткевича, Л. Гениюш и Р. Бородулина
- Возобновилось вручение премии имени В. Короткевича
