ГалоўнаяНавіныНавіны бібліятэк
Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан
Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

Топ-5 твораў Васіля Быкава, якія павінен прачытаць кожны

Іншыя навіны

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

«Сотнікаў»

tvorybykau_1.jpg

Аповесць-разважанне аб вечных філасофскіх пытаннях – цане жыцця і смерці, баязлівасці і гераізме, вернасці абавязку і здрадзе.

Быкаў агаляе барацьбу дабра і зла ў душах герояў, даследуе псіхалагічны стан людзей падчас вайны. Аўтар не дае канчатковых адзнак персанажам, пакідаючы гэтае права за чытачом.

«У тумане»

tvorybykau_2.jpg

Дзеянне адбываецца ў 1942 годзе ў акупаванай немцамі Беларусі. Пуцявога абходчыка Сушчэню ілжыва абвінавачваюць у супрацоўніцтве з акупантамі.

Два партызаны прыязджаюць на хутар да Сушчэні, каб здзейсніць расправу. У надзеі даказаць сваю невінаватасць Сушчэня спрабуе зрабіць маральны выбар у амаральных абставінах.

Па матывах аповесці беларускі рэжысёр Сяргей Лазніца зняў аднайменную кінастужку, якая ўдзельнічала ў Канскiм кінафестывалi 2012 года ў намінацыі «Залатая пальмавая галіна». 

«Жураўліны крык»

tvorybykau_3.jpg

Вялікая Айчынная вайна. Чырвоная Армія адступае. Настаў цяжкі час для савецкага народа.

Але ў гэты час нараджаюцца героі, імёны якіх невядомыя, але якія прынеслі ў ахвяру свае жыцці дзеля Перамогі.

Іх было шасцёра.

Ім дадзены загад: утрымаць чыгуначны пераезд, затрымаць як мага даўжэй наступ немцаў, даць нашым магчымасць адступіць...

«Знак бяды»

tvorybykau_4.jpg

Сцепаніда і Пятрок Багатка жывуць на хутары Яхімоўшчына, за тры кіламетры ад горада Выселкі.

Паліцыя прывяла да іх немцаў, якія ўвайшлі ў суседнюю вёску. Мяккі па сваёй прыродзе, Пятрок спачатку стараецца з усіх сіл пазбягаць канфліктаў з нацыстамі, спадзеючыся, што ўсё абыдзецца мірна.

Аднак Сцепаніда разумее, што бяда прыйшла ў дом.

З першых хвілін нацысты адчулі маўклівую пагарду гаспадыні дома, яе відавочнае нежаданне дагадзіць якім-небудзь чынам…  

«Адна ноч»

tvorybykau_5.jpg

Аповед таксама аб Вялікай Айчыннай вайне.

Рускi і немец аказваюцца зняволенымi ў склепе. Аб'яднаныя агульнай бядой, героі становяцца сябрамі, але, вызваліўшыся, зноў ператвараюцца ў ворагаў.

Аўтар публікацыі: Алена Русінава.

Крыніца: СБ – Беларусь сегодня

Навіны

Віншуем з 85-гадовым юбілеем ветэрана Нацыянальнай бібліятэкі Беларусі Ніну Міхайлаўну Гардзеенка

1 Жні 2021

Ніне Міхайлаўне ад усяго калектыву Нацыянальнай бібліятэкі Беларусі – самыя шчырыя віншаванні і пажаданні даўгалецця, невычэрпнай энергіі і сіл, шчасця і дабрабыту, любові і ўвагі родных і блізкіх людзей.

Партрэты: гісторыя бібліятэкі ў асобах

30 Ліп 2021

Мы так часта ўжываем слова “культура”, што іншым разам не задумваемся над глыбінным сэнсам паняцця. І дарэмна. Напэўна, у гэтым прычына не надта вялікай чысціні нашых ліфтаў і душ. А таксама – не вельмі добрага ведання роднай гісторыі ды імя продка ў пятым калене. А сапраўды, што за паняцце такое – культура?

Навіны бібліятэк

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

Бібліятэкарам