Рукапісы і рэдкія выданні Якуба Коласа ў музеі кнігі

Наведвальнікі музея змаглі ўбачыць вершы, напісаныя рукой паэта ў пачатку ХХ ст.

З друкаваных кніг экспанаваўся першы зборнік вершаў Я. Коласа "Песні-жальбы", выдадзены ў Вільні ў 1910 г. З пецярбургскіх выданняў таварыства "Загляне сонца і ў наша аконца" дэманстраваліся падручнік Я. Коласа "Другое чытанне для дзетак беларусаў" (1909), а таксама вершаванае апавяданне "Батрак. Як Юрка збагацеў" (1913).

Да рэдкіх экспанатаў адносілася кніга-аповесць у перакладзе на польскую мову "У Палескай глушы" (Варшава, 1950), у якой на тытульным лісце змешчаны дароўны надпіс: "Дзяржаўнай бібліятэцы імя Леніна. Якуб Колас. 31.XII.1953 г.".