Дата правядзення
Час правядзення
Месца правядзення
Кошт наведвання
28 кастрычніка ў бібліятэцы адбудуцца заняткі для дзетак “Рэстаўрацыйная майстэрня” ў рамках “Клуба кніжных прафесараў”.
Пашкоджаная кніга з паліцы кнігасховішча трапляе ў рэстаўрацыйную майстэрню. Задача рэстаўрацыі – ліквідаваць пашкоджанні, забяспечыць магчымасць выкарыстання яе чытачом доўгі час, захаваўшы яе інфармацыйную, гістарычную і мастацкую каштоўнасць. Рэстаўратар імкнецца падоўжыць кнізе жыццё ў будучыні, захаваўшы ў ёй мінулае. Кожнае выданне або рукапіс мае свой лёс, таму неабходна захаваць гісторыю з усімі назапашанымі дотыкамі, вобраз і энергетыку кнігі. Рэстаўрацыя кніг – працэс далікатны, які патрабуе высокага майстэрства рэстаўратараў, ведаў тэхналогіі, уласцівасцей матэрыялаў, а таксама творчага падыходу.
Юныя прафесары маюць рэдкую і ўнікальную магчымасць “пранікнуць” у сапраўдны аддзел рэстаўрацыі і кансервацыі бібліятэчных дакументаў Нацыянальнай бібліятэкі Беларусі.
Тэлефоны для запісу і даведак: (8 044) 579 39 07, (8 017) 293 27 82.
Матэрыял пададзены навукова-даследчым аддзелам кнігазнаўства.
