Дата правядзення
Час правядзення
Месца правядзення
8 ліпеня дзіцячы пакой запрашае дзяцей 5–10 гадоў на творчыя заняткі “Хатка ў вёсцы”, дзе яны створаць выраб у тэхніцы мадэлявання з паперы.
Маляўнічую мадэль хаткі юныя ўдзельнікі зробяць з папяровага макета, вывучыўшы прамаляваныя на ім лініі згібу і ўчасткі для нанясення клею. На зялёную кардонную аснову выраба побач з хаткай прыклеяць папяровае дрэўца і кусцік.
Усе прафесіі, звязаныя з пабудовай дамоў, дзеці назавуць у гульні “Будаўнікі”. Музычная фізкультхвілінка і чытанне казак “Домик для белочки” Міхася Пазнякова, “Домик для улитки” Алены Кір стануць цудоўным дапаўненнем да мерапрыемства.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
