Дата правядзення
Час правядзення
Месца правядзення
З 2 мая па 12 ліпеня ў навуковай чытальнай зале (пам. 206) праходзіць выстава “Навука і адукацыя Беларусі ў гады Вялікай Айчыннай вайны”, прымеркаваная да Дня Перамогі і 80-годдзя вызвалення Беларусі ад нямецка-фашысцкіх захопнікаў.
На выставе прадстаўлены дакументы, якія распавядаюць аб дзейнасці вышэйшых навучальных устаноў і навуковых устаноў Беларусі ў гады суровых выпрабаванняў, выхаванні моладзі як абаронцаў Радзімы, навуковым пошуку вучоных розных галін ведаў – ад сельскай гаспадаркі да медыцыны – у вырашэнні неабходных фронту задач, аб шкодзе, панесенай беларускай навукай у ваенны час.
Асобная частка выставы прысвечана беларускім навукоўцам і выкладчыкам – удзельнікам ваенных дзеянняў і партызанскага руху, якія асабістай мужнасцю і баявымі подзвігамі набліжалі Вялікую Перамогу.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 23.
Матэрыял пададзены аддзелам бібліятэчнага абслугоўвання.