З 22 чэрвеня па 10 верасня ў Нацыянальнай бібліятэцы Беларусі (2-гі паверх, кальцавы калідор) ладзіцца кніжна-ілюстрацыйная выстаўка “Незалежная Беларусь – наш агульны і надзейны дом”, прымеркаваная да Дня Незалежнасці (3 ліпеня).
У экспазіцыю ўвайшлі самыя новыя выданні (2009–2012 гг.), прысвечаныя станаўленню і сучаснаму стану беларускай дзяржаўнасці, дасягненням у сацыяльна-эканамічнай, навуковай і культурнай сферах, знешнеэканамічным і знешнепалітычным сувязям, турызму і культурна-гістарычнай спадчыне Беларусі.
Незалежнасць нашай дзяржавы святкуецца 3 ліпеня – у дзень, калі адзначаецца вызваленне Беларусі ад нямецка-фашысцкіх захопнікаў. У гэты вялікі дзень і вялікае свята краіна дзякуе ветэранам і ўшаноўвае тых, без каго не было б ні волі, ні незалежнасці Беларусі. Цяжкаму шляху да вызвалення беларускага краю, праблемам вывучэння гістарычных падзей і ўвекавечанню памяці абаронцаў Айчыны прысвечаны зборнікі навукова-практычных канферэнцый, кнігі і альбомы, таксама прадстаўленыя на выстаўцы.
Кантактны тэлефон: (+375-29) 295-28-86.