21 чэрвеня Нацыянальную бібліятэку Беларусі наведала парламенцкая дэлегацыя Каралеўства Камбоджа на чале са старшынёй Нацыянальнай асамблеі парламента Хенгам Самрынам.
Наведванне Нацыянальнай бібліятэкі Беларусі адбылося ў рамках афіцыйнага візіту парламенцкай дэлегацыі Каралеўства Камбоджа ў Рэспубліку Беларусь.
У бібліятэцы гасцей прывітаў яе дырэктар Р.С. Матульскі. Для членаў дэлегацыі была арганізавана аглядная экскурсія, пад час якой яны азнаёміліся з дзейнасцю бібліятэкі, архітэктурна-канструкцыйнымі асаблівасцямі будынка, тэхнічным абсталяваннем, інфармацыйнымі рэсурсамі, мастацкім афармленнем інтэр'ераў. Экскурсія прадоўжылася на закрытай агляднай пляцоўцы бібліятэкі, адкуль цікава паглядзець на сталіцу і маляўнічае наваколле.
У музеі кнігі да ўвагі высокіх гасцей была прадстаўлена калекцыя рарытэтных выданняў з бібліятэчных фондаў. Старшыня Нацыянальнай асамблеі парламента Хенг Самрын пакінуў памятны запіс у Кнізе ганаровых гасцей.
 |
 |
 |
 |
 |
 |
