14 мая дзіцячы пакой запрашае хлопчыкаў і дзяўчынак 5–8 гадоў на святочнае мерапрыемства “Сямейны партрэт”, прысвечанае Міжнароднаму дню сям'і.
Дзеці прымуць удзел у займальных гульнях і вясёлых конкурсах, прысвечаных самому цэннаму ў жыцці кожнага чалавека – сям'і. Нездарма ж гаворыцца: “Сям'ёй даражыць – шчаслівым быць”.
У завяршэнне мерапрыемства з асобных цаглінак “сямейнага шчасця” кожны зробіць яркую аплікацыю – чароўную хатку сваёй сям'і.
Заняткі праводзяцца бясплатна. Усімі матэрыяламі для вырабаў дзеці будуць забяспечаны.
Час правядзення заняткаў: 18.00–19.30.
Вядзецца папярэдні запіс удзельнікаў па тэлефоне: (8 017) 293 25 34.
