11 кастрычніка 2008 года дзіцячы пакой Нацыянальнай бібліятэкі Беларусі запрашае дзяцей разам з бацькамі на святочнае мерапрыемства "Аб той, хто нам дарыць жыццё і цеплыню", якое прысвечана Дню маці.
Дзеці прымуць удзел у цікавых конкурсах, такіх як "Ласкавыя словы", "Ці добра мы ведаем адзін аднаго", у танцавальных пастаноўках "Дажджлівы дзянёк", а таксама зробяць простыя вырабы сваімі рукамі.
Ну і як жа не ўспомніць пра залатую восеньскую пору! У конкурсе "Пазнай гародніну навобмацак" дзецям будзе прапанавана назваць як мага больш гародніны і садавіны, а ў конкурсе "Восеньскі лістапад" - назваць з якога дрэва зваліўся лісточак.
Якое ж свята без падарункаў? Выдатным падарункам для бацькоў стануць паштоўкі, зробленыя сваімі рукамі і танец "Мамін вальс".
Запрашаюцца дзеці ва ўзросце 5-8 гадоў.
Час правядзення мерапрыемства: 12.00-13.30.
Кантактны тэлефон: 293-25-34.
