Дырэктар ДУ “Нацыянальная бібліятэка Беларусі” Раман Сцяпанавіч Матульскі ўдастоены ганаровага звання “Мінчанін года” ў галіне культуры.
Званне “Мінчанін года” прысвойваецца ў сталіцы з 2002 года. Права насіць ганаровае званне прадастаўляецца гараджанам за высокія дасягненні ў працы, асаблівы асабісты ўклад у сацыяльна-эканамічнае і культурнае развіццё Мінска. Па выніках працы за 2008–2009 гг. рашэннем Мінгарвыканкама права называцца “Мінчанінам года” атрымалі 13 жыхароў сталіцы.
Урачыстая цырымонія ўручэння ўзнагарод адбудзецца ў час святкавання Дня горада 12 верасня ў Нацыянальным акадэмічным Вялікім тэатры оперы і балета.
