27 жніўня 2009 года а 15-й гадзіне ў галерэі “Лабірынт” Нацыянальнай бібліятэкі Беларусі адбудзецца культурна-асветніцкая дзея “Чароўны свет дзіцячай кнігі”, прысвечаная Дню ведаў.
Дзень ведаў традыцыйна адзначаецца ў Беларусі ў першыя дні верасня. Нацыянальная бібліятэка Беларусі, з’яўляючыся захавальніцай дакументальнай спадчыны і alma mater для тых, хто імкнецца да ведаў, штогод праводзіць культурна-асветніцкія акцыі, прымеркаваныя да гэтага свята.
У рамках дзеі “Чароўны свет дзіцячай кнігі” будуць прадстаўлены дзве кніжныя выстаўкі: “Сучасная дзіцячая кніга” і “Дзіцячая кніга XVIII–XX стст.”. У экспазіцыі ўвойдуць найноўшыя багата ілюстраваныя выданні для дзяцей і моладзі, а таксама рарытэтныя кнігі, што выйшлі з друку ў перыяд з XVIII па XX ст.
У галерэі “Атрыум” будзе экспанавацца мастацкая выстаўка. Госці змогуць пазнаёміцца з работамі маладой таленавітай пісьменніцы і мастачкі Ясеніі Сцяпанавай, а таксама з творамі вядомага беларускага графіка Валерыя Славука.
Кантактны тэлефон: 293-28-86, 293-27-67.
E-mail: pr@nlb.by