Вячаслаў Паўлавец – мастак, які ведае ўсе тайны акварэлі і ўмее па-майстэрску раскрыць яе фактурнае багацце. Праяцыруючы свае эмоцыі і пачуцці на ліст паперы, ён крок за крокам тонкім слоем піша свае карціны – прызнанні ў любові да прыроды, да роднага краю, да Беларусі.

Інтэлігентныя, далікатныя паветраныя пейзажы майстра нібы выпраменьваюць святло – і не толькі каляровыя, але і чорна-белыя акварэлі напоўнены святлом і гармоніяй. Да таго ж сам Вячаслаў аддае перавагу звычайнай тушы – тут і прастора для фантазіі і магчымасць стварыць непаўторныя эфекты.

У вернісажы прынялі ўдзел загадчык аддзела галерэйна-выставачнай дзейнасці Нацыянальнай бібліятэкі Беларусі Вольга Давідовіч, аглядальнік газеты “Культура” Пётр Васілеўскі, вядучы навуковы супрацоўнік Нацыянальнага мастацкага музея Рэспублікі Беларусь Надзея Усава.

Паслухаць няспешную размову мастака Вячаслава Паўлаўца з прыродай і наваколлем запрашаем да 30 красавіка 2018 года.

З 16 сакавіка ўваход на выстаўку платны − складае кошт наведвання агляднай пляцоўкі.

Дата заканчэння работы выстаўкі можа быць зменена.

Тэлефоны для даведак: (8 017) 266 37 37, 293 28 23.
Е-mail: pr@nlb.by