З 12 па 14 снежня на базе Акадэміі Міністэрства ўнутраных спраў Рэспублікі Беларусь супрацоўнікі аддзела даведачна-інфармацыйнага абслугоўвання правялі комплекс навучальных заняткаў па рэсурсах, паслугах і анлайн-сэрвісах Нацыянальнай бібліятэкі Беларусі.
Слухачамі заняткаў сталі каля двухсот курсантаў 1–3 курсаў следча-экспертнага факультэта Акадэміі МУС.
Супрацоўнікі бібліятэкі расказалі пра яе магчымасці, структуру і правілы карыстання, азнаёмілі з анлайн-сэрвісамі партала, паказалі методыку пошуку інфармацыі ў электронных каталогах і ліцэнзійных базах даных, набытых бібліятэкай.
Будучыя юрысты атрымалі базавыя веды па пошуку ў аўтарытэтных крыніцах навуковай інфармацыі ў галіне права і крыміналістыкі для наступнага ўжывання ў вучэбнай, навукова-даследчай і практычнай дзейнасці.
Матэрыял прадастаўлены аддзелам даведачна-інфармацыйнага абслугоўвання.