“Сказки детей Беларуси” – сумесны праект рэдакцыйна-выдавецкай установы «Літаратура і Мастацтва» і грамадскага аб'яднання “Мы – дзецям”.
Сустрэча па абмеркаванні праекта і падпісанні дагавора на выданне кнігі прайшла 21 кастрычніка ў РВУ “Латаратура і Мастацтва” з удзелам Я.А. Ландзіна, старшыні ГА “Мы – дзецям”, якое часткова фінансуе праект, і нямецкіх партнёраў.
Творчы праект “Сказки детей Беларуси” складаецца з твораў юных аўтараў з розных рэгіёнаў краіны. Героямі казак з'яўляюцца звяры і птушкі. У сваіх творах дзеці выяўляюць уласнае стаўленне да прыроды, сапраўдную грамадзянскую занепакоенасць у захаванні яе чысціні.
Выданне разлічана на шырокае кола чытачоў, якія цікавяцца дзіцячай творчасцю. У перакладзе на нямецкую мову – выданне выходзіць на рускай і нямецкай – яно прадстаўляе цікавасць як навучальны дапаможнік для нямецкіх дзяцей, якія вывучаюць рускую мову.
Малюнкі да зборніка казак выканала мастачка Маргарыта Цімохава. Падарункавае, прыгожа аформленнае выданне, якое мяркуецца выдаць тыражом 3 тысячы экзэмпляраў, будзе распаўсюджвацца па школьных і публічных бібліятэках, а таксама ў кнігарнях краіны.