Дата правядзення
Месца правядзення
23 лютага ў Нацыянальнай бібліятэцы Беларусі прайшло мерапрыемства “Альянс дабра, любві і высакароднасці”, прысвечанае святкаванню Дня абаронцаў Айчыны і Узброеных Сіл Рэспублікі Беларусь.
Моцную палову калектыву віншавалі абаяльныя дзяўчыны, якія пераўвасобіліся ў багінь Алімпа. Яркімі вядучымі сталі салістка Дзяржаўнага ансамбля танца Беларусі Валянціна Альшанская (Афіна), вакалістка Ксенія Забалоцкая (Афрадыта) і наша калега, загадчыца сектара фізкультурна-аздараўленчай і рэкрэацыйнай дзейнасці Наталля Святлова (Гестыя). Яны абдарылі прысутных натхненнем, жыццёвай энергіяй, клопатам, дабрынёй – усім, у чым так маюць патрэбу мужчыны і што з такой лёгкасцю падуладна багіням дабра, любві і высакароднасці.
Святочны настрой стварылі выступленні інструментальнага квартэта “Arco” і “Майстэрні эстраднага танца” Беларускага дзяржаўнага ўніверсітэта культуры і мастацтваў.
Дарагія мужчыны! Мы цэнім вашу мужнасць і надзейнасць, паважаем за тое, што засцерагаеце нас ад нягод, становіцеся апорай і падтрымкай. Упэўнены, што ў сэрцы кожнага жыве свая багіня, няхай яна натхняе вас быць мужчынам ва ўчынках і словах, у поглядзе і жэсце. Жадаем нішчыць усе перашкоды на жыццёвым шляху!
Матэрыял пададзены аддзелам сувязей з грамадскасцю.
