Дата правядзення
Час правядзення
Месца правядзення
У Нацыянальнай бібліятэцы Беларусі адкрываецца кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2023 год.
19 снежня 2023 года кіраўнік дзяржавы Аляксандр Лукашэнка падпісаў указы № 397 “Аб прысуджэнні прэміі Прэзідэнта Рэспублікі Беларусь «За духоўнае адраджэнне»”, № 398 “Аб прысуджэнні спецыяльнай прэміі Прэзідэнта Рэспублікі Беларусь дзеячам культуры i мастацтва” і № 399 “Аб прысуджэнні спецыяльнай прэміі Прэзідэнта Рэспублікі Беларусь «Беларускі спартыўны Алімп”.
Спецыяльная прэмія Прэзідэнта Рэспублікі Беларусь “За духоўнае адраджэнне” – сведчанне дзяржаўнага прызнання заслуг навуковай і творчай інтэлігенцыі, тых, хто асабліва вызначыўся ў гуманітарнай і дабрачыннай дзейнасці. Прэмія прысуджаецца штогод за выдатныя творы літаратуры і мастацтва, актыўную падзвіжніцкую дзейнасць у гуманітарнай галіне, накіраваную на развіццё прагрэсіўных мастацка-маральных традыцый, якія спрыяюць умацаванню духоўных каштоўнасцей.
У 2024 г. глава дзяржавы ўручыў прэміі за актыўную дзейнасць у гуманітарнай галіне, што садзейнічае ўмацаванню духоўных каштоўнасцей і маральных традыцый беларускага народа, за плённую дзейнасць у грамадзянска-патрыятычным выхаванні падрастаючага пакалення, за значны ўклад у захаванне культурнай спадчыны Беларусі, за выдатныя дасягненні ў галіне тэатральнага, музычнага, дэкаратыўна-прыкладнога мастацтва, народнай і аматарскай мастацкай творчасці, навучання і выхавання творчай моладзі.
За значны ўклад у захаванне гістарычнай памяці і праўды пра Вялікую Айчынную вайну і рэалізацыю праектаў “Апошнія сведкі”, “Генацыд. Без права на жыццё” спецыяльнай прэміі Прэзідэнта Рэспублікі Беларусь удастоены Генеральная пракуратура, Беларускае тэлеграфнае агенцтва і Нацыянальная дзяржаўная тэлерадыёкампанія.
Не засталіся незаўважанымі дасягненні рэспубліканскага навукова-практычнага цэнтра “Маці і дзіця”, які атрымаў спецыяльную прэмію Прэзідэнта Рэспублікі Беларусь за выдатныя дасягненні ў паляпшэнні якасці і даступнасці медыцынскай дапамогі, папулярызацыю ў грамадстве сямейных каштоўнасцей.
За актыўную дзейнасць у гуманітарнай галіне, значны ўклад у развіццё творчых здольнасцей і сацыяльную адаптацыю людзей з абмежаванымі магчымасцямі спецыяльнай прэміі Прэзідэнта Рэспублікі Беларусь удастоены калектыў дзяржаўнай установы “Гомельскі гарадскі цэнтр інклюзіўнай культуры”.
У экспазіцыі прадстаўлены кнігі, каталогі, буклеты, артыкулы з перыядычных выданняў, выяўленчыя дакументы – матэрыялы з фондаў бібліятэкі пра ўсіх лаўрэатаў 2023 г., якія сваёй высокай духоўнасцю і плённай працай славяць родную Беларусь.
Запрашаем наведаць выстаўку “Вялікі талент, вялікая работа, вялікае сэрца”.
“Духоўнае адраджэнне” ў кніжнай выставе
Час экспанавання з 18 студзеня па 13 сакавіка 2024 года ў кальцавой галерэі 2-га паверха.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 29 80.
Матэрыял пададзены аддзелам галерэйна-выставачнай дзейнасці.