Дата правядзення
Час правядзення
2 сакавіка ў 15.00 у зале адукацыйных тэхналогій (пам. 346) у рамках XXV ММКВК пройдзе творчая прэзентацыя вядомай казахстанскай пісьменніцы Карыны Сарсенавай.
Паэтэса, драматург, прадзюсер, а таксама псіхолаг, сцэнарыст і мецэнат, Карына Сарсенава стала заснавальніцай новага літаратурнага жанру – “неаэзатэрычнай фантастыкі”. У яе творчай скарбонцы – 24 кнігі, выдадзеныя ў Казахстане, Расіі і Кітаі.
Праз свае творы пісьменніца спрабуе натхніць чалавека зазірнуць у сябе, імкнецца абудзіць у ім светлыя пачуцці. Яна адрасуе сваю творчасць людзям, якія валодаюць цікавасцю да жыцця, імкненнем вывучаць новае, усім, хто шукае адказы на няпростыя пытанні і жадае развівацца інтэлектуальна і духоўна.
Карына Сарсенава – генеральны прадзюсер вядомай у Казахстане кампаніі “KS production”, заснавальнік і драматург тэатра аўтарскага мюзікла “Трыумф”, аўтар сцэнарыя паўнаметражнага мастацкага фільма “Захавальнік шляху”. Паэтэса таксама з’яўляецца членам Саюза пісьменнікаў Расіі, залатым лаўрэатам міжнароднай прэміі "Залатое Пяро Русі”, кавалерам медалёў "Літаратурны Алімп", а таксама Маршака і Лермантава, кавалерам ганаровага знаку “Працоўная доблесць Расіі”, членам-карэспандэнтам Міжнароднай акадэміі інтэграцыі навукі і бізнесу.
Тэлефон для даведак: (8 017) 266 37 37.
Е-mail: pr@nlb.by
