Музейныя заняткі “Добрыя казкі”

Запрашаем 9 кастрычніка дзяцей і іх бацькоў на музейную сустрэчу з пісьменніцай Аленай Міхаленка.

Алена Міхаленка – аўтар паэтычных і празаічных кніг, якія вельмі палюбіліся дзецям. Сярод іх – знакамітыя паэтычныя перакладанні жыццяў святых (“Сказание о житии преподобной Евфросинии, игуменьи и княжны Полоцкой”, “Матушка Ксения”), празаічныя зборнікі “Дорога в Рождество”, “Детям о Родине” і многія іншыя. Цікава, што пісьменніца скончыла фізічны факультэт Беларускага дзяржаўнага ўніверсітэта і выкладае фізіку ў школе.

На нашай сустрэчы ў музеі кнігі Алена Міхаленка паўстане як казачніца і прэзентуе сваю новую кнігу “Добрыя казкі” на беларускай мове. Удзельнікі мерапрыемства пазнаёмяцца са зместам і мастацкім афармленнем кнігі, змогуць задаць пытанні аўтару і атрымаць аўтограф на памяць.

Музейныя заняткі арганізаваны ў межах праекта “Клуб кніжных прафесараў” і разлічаны на дзяцей 5–12 гадоў.

Тэлефон для даведак: (8 017) 293 27 82.