Дата правядзення
Час правядзення
Месца правядзення
Кошт наведвання
1 красавіка ў музеі кнігі адбудзецца творчая сустрэча “Друкарская справа Альда Мануцыя”.
Яшчэ ў XV ст. быў створаны правобраз сучаснай друкарні. Самае вядомае выдавецтва, якое стала называцца “Домам Альда”, заснаваў італьянскі вучоны і гуманіст Альд Пій Мануцый (1449–1515).
Ні адна з італьянскіх друкарань не магла параўняцца з мастацкім афармленнем і дасканаласцю выданняў “Дома Альда”. Многія выдаўцы таго часу выпускалі кнігі са шматлікімі памылкамі. Альд Мануцый паставіў у аснову сваёй працы якасць выдадзеных кніг, таму стварыў вакол сябе “Aldi Neacademia”, у склад якой уваходзіла 30 вучоных. Тэксты перад друкам правяраліся на наяўнасць памылак і недахопаў.
Неўзабаве дасканала і акуратна выдадзеныя кнігі пачалі капіраваць іншыя друкары, таму ўзнікла неабходнасць ва ўласнай выдавецкай марцы, якую з 1502 г. Альд Мануцый пачаў выкарыстоўваць у сваіх выданнях.
Выдавецкая марка магла быць у рамцы або без яе, але нязменнай была сама выява – дэльфін, які абвівае якар. У фондзе Нацыянальнай бібліятэкі захоўваюцца кнігі з выдавецкай маркай Альда Мануцыя.
У кожнага наведвальніка заняткаў будзе магчымасць:
- пачуць гісторыю стварэння венецыянскага выдавецтва Альда Пія Мануцыя;
- убачыць “альдзіны” – кнігі, выдадзеныя ў “Доме Альда”;
- стварыць уласны дызайн выдавецкай маркі Альда Мануцыя.
Мерапрыемства разлічана на дзяцей 8–14 гадоў.
Кошт: 4.50 руб. (дарослыя суправаджаюць дзяцей бясплатна).
Колькасць удзельнікаў абмежаваная.
Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com
Матэрыял пададзены навукова-даследчым аддзелам кнігазнаўства.
