Віртуальны цэнтр "Адкрытая інфармацыя"

"Адкрытая інфармацыя: віртуальны цэнтр па дзейнасці міжнародных арганізацый" уяўляе сабой інфармацыйны рэсурс Нацыянальнай бібліятэкі Беларусі, мэтамі якога з’яўляюцца забеспячэнне свабоднага і роўнага доступу карыстальнікаў да інфармацыі па дзейнасці міжнародных арганізацый і іх дакументаў, а таксама пашырэнне магчымасцей традыцыйнага абслугоўвання за кошт выкарыстання інтэрнэт-тэхналогій.

Асноўнымі задачамі цэнтра з’яўляюцца:

• прадастаўленне аператыўнай інфармацыі пра рэсурсы Нацыянальнай бібліятэкі Беларусі па дзейнасці міжнародных арганізацый;
• прадастаўленне інфармацыі пра найбольш значымыя інтэрнэт-рэсурсы міжнародных арганізацый;
• прадастаўленне інфармацыі пра дзейнасць міжнародных арганізацый;
• забеспячэнне свабоднага доступу да дакументаў міжнародных арганізацый;
• папулярызацыя дакументаў міжнародных арганізацый.