Заняткі на выставе “Тайны канцылярыі”

Запрашаем дзяцей і іх бацькоў на заняткі “Тайны канцылярыі”, каб даведацца, чым пісалі нашы продкі ў XV–XX стст.

Заняткі арганізаваны ў межах праекта “Клуб кніжных прафесараў” і разлічаны на дзетак 6–14 гадоў.

Удзельнікі наведаюць выставу “Тайны канцылярыі” ў музеі кнігі, дзе ўбачаць першыя алоўкі і асадкі, пер’ячысткі, пясочніцы, чарніліцы і іншыя пісьмовыя прылады, аформленыя ў розных стылях і з разнастайных матэрыялаў.

Юныя прафесары атрымаюць адказы на пытанні:

• Якой магла быць ручка Скарыны?
• Які тавар быў у продажы ў канцылярскіх крамах Мінска і Гродна ў старыя часы?
• Як і што рэкламавалі на канцылярскіх прадметах пачатку ХХ ст.?
• Што змяшчалася ў ранцы гімназістаў розных эпох?
• Як выглядаў пісьмовы прыбор князёў Радзівілаў?

Эксклюзіўную экскурсію для юных прафесараў правядзе кандыдат культуралогіі Алесь Суша.

Тэлефоны для запісу і даведак: (8 044) 579 39 07, (8 017) 293 27 82.