Дата правядзення
Час правядзення
Месца правядзення
18 снежня ў бібліятэцы адбылося адкрыццё выставы да навагодніх свят “Калядная палітра”.
Выстава “Калядная палітра” арганізавана сумесна з міжнародным грамадскім аб’яднаннем жывапісцаў, графікаў, скульптараў, мастацтвазнаўцаў і прадстаўнікоў іншых творчых прафесій – “Еўразійская мастацкая садружнасць”.
Аб’яднаннем і праваслаўным прыходам храма Нараджэння Найсвяцейшай Багародзіцы (в. Тарасава) быў зладжаны ІІ Міжнародны фестываль-конкурс дзіцячай творчасці. У конкурсе прынялі ўдзел 460 юных мастакоў – беларусы ўзростам ад 4 да 17 гадоў з усёй краіны: мінчукі, брэстаўчане, віцябляне, жыхары абласных цэнтраў, раённых гарадоў, шматлікіх беларускіх вёсак і аграгарадкоў. Найлепшыя работы пераможцаў конкурсу, найцудоўнейшыя зімовыя фантазіі ад дзетак з усёй Беларусі прадстаўляе прымеркаваная да навагодніх свят выстаўка.
Работы аб’яднаны агульнай тэмай – святочная пераднавагодняя зіма. Экспануюцца выкананыя гуашшу і алоўкамі арнаментальныя кампазіцыі, вясёлыя, святочныя і па-зімоваму суровыя, таямнічыя работы. Прадстаўлены выразаныя з паперы сімвалы ўрачыстай зімы і зробленыя ўручную калядныя лялькі.
Выстава будзе працаваць у галерэі “Ракурс” (2-гі паверх) да 28 студзеня 2024 года.
Дата яе заканчэння можа быць зменена.
Уваход – па чытацкім білеце або білеце сацыякультурнага цэнтра.
Час работы выставы адпавядае рэжыму работы бібліятэкі.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.