Творы сучасных беларускіх кампазітараў у кантэксце гісторыі еўрапейскай музыкі

Інтэрактыўныя лекцыі-канцэрты музычнай капэлы Цэнтра даследаванняў беларускай культуры, мовы і літаратуры НАН Беларусі даўно сталі папулярнымі і атрымалі прызнанне сярод наведвальнікаў Нацыянальнай бібліятэкі.

У 2024 годзе мы рады прапанаваць вашай увазе новы курс музычнага “лікбезу” – тэарэтычныя лекцыі!

На гэтых сустрэчах слухачы пазнаёмяцца з беларускай музыкай праз прызму гісторыі музыкі еўрапейскай, даведаюцца аб характэрных асаблівасцях асноўных жанраў музыкі ў творчасці сучасных беларускіх кампазітараў і змогуць пачуць найбольш яркія ўзоры твораў у гэтых жанрах, якія будуць прадстаўлены як у выглядзе мультымедыйных ілюстрацый, так і ў канцэртным выкананні асобных фрагментаў удзельнікамі музычнай капэлы.

Арганізатары: Цэнтр даследаванняў беларускай культуры, мовы і літаратуры НАН Беларусі, навукова-творчае аб’яднанне “Facultatis” Беларускага саюза музычных дзеячаў, аддзел музычна-выканальніцкага мастацтва Інстытута мастацтвазнаўства, этнаграфіі і фальклору НАН Беларусі.

Лектары: аспіранты аддзела музычна-выканальніцкага мастацтва Лізавета Зямскова, Ірына Папова, Святлана Сушчэня.
Навуковы кіраўнік праекта – кандыдат мастацтвазнаўства Галіна Цмыг.

• 14 лютага – “Камерна-вакальныя жанры ў беларускай кампазітарскай творчасці ў кантэксце гісторыі еўрапейскай музыкі”
• 13 сакавіка – “Жанр оперы ў творчасці беларускіх кампазітараў скрозь прызму гісторыі еўрапейскай музыкі”
• 10 красавіка – “Камерна-інструментальныя жанры ў беларускай кампазітарскай творчасці”
• 8 мая – “Вакальна-інструментальныя жанры ў творчасці беларускіх кампазітараў”

Таксама ў бібліятэцы праводзяцца лекцыі-канцэрты.

Уваход – па чытацкім білеце або пропуску сацыякультурнага цэнтра.

Тэлефон для даведак: (8 017) 293 27 52.