Дата правядзення
Час правядзення
Месца правядзення
6 лютага а 17-й гадзіне ў галерэі “Лабірынт” адбудзецца фінісаж выставы ілюстрацый да твораў Сяргея Міхалкова “Самы галоўны велікан”.
Выстава прысвечана 110-годдзю з дня нараджэння Сяргея Уладзіміравіча Міхалкова – пісьменніка, драматурга, публіцыста, байкапісца, сцэнарыста, а таксама буйнога грамадскага дзеяча, аўтара тэксту Дзяржаўнага гімна Расійскай Федэрацыі.
Тут прадстаўлены адны з лепшых ілюстрацый да твораў Сяргея Міхалкова. У экспазіцыю ўвайшлі працы такіх вядомых савецкіх мастакоў, як Сяргей Алімаў, Эрык Булатаў, Міхаіл Скобелеў, Віктар Чыжыкаў, Фёдар Лемкуль, Ювеналій Каровін і інш.
Творы класікаў кніжнай ілюстрацыі напоўнены гумарам і мудрасцю. Лёгкія, кранальныя, стыльныя, яны цудоўна дапаўняюць сюжэты твораў юбіляра. Свет дзяцей і дарослых паказаны шчыра, з добрай іроніяй, увагай да дэталей. Героі вучаць гледачоў-чытачоў спагадлівасці, адказнасці, распавядаюць пра сяброўства, па-добраму смяюцца над упартымі, нагадваюць пра сілу волі і важнасць розных прафесій.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.