Парадак запісу ў бібліятэку

У бібліятэку могуць запісацца грамадзяне Рэспублікі Беларусь, замежныя грамадзяне і асобы без грамадзянства з 14 гадоў.

Для запісу ў бібліятэку і атрымання чытацкага білета наведвальніку неабходна прад’явіць дакумент, які пацвярджае асобу: пашпарт, від на жыхарства ў Рэспубліцы Беларусь, пасведчанне бежанца, ідэнтыфікацыйную картку грамадзяніна Рэспублікі Беларусь; біяметрычны від на жыхарства ў Рэспубліцы Беларусь замежнага грамадзяніна; біяметрычны від на жыхарства ў Рэспубліцы Беларусь асобы без грамадзянства.

Неабходна таксама прад’явіць:

• навучэнцам прафесійна-тэхнічных вучылішчаў і сярэдніх спецыяльных навучальных устаноў – білет навучэнца;
• студэнтам вышэйшых навучальных устаноў – студэнцкі білет;
• навуковым супрацоўнікам – дыплом аб прысваенні вучонай ступені;
• асобам з аслабленым зрокам і пазбаўленым зроку – пасведчанне інваліда па зроку.

Чытацкі білет выдаецца пасля аплаты. У выпадку страты і пашкоджання чытацкага білета выдаецца яго дублікат. У выпадку калі чытач забыў чытацкі білет, яму бясплатна выдаецца часовы чытацкі білет, але не больш як пяць разоў за год.

Кошт чытацкага білета і яго дубліката складае 4 руб. 99 кап. Льготы пры аплаце чытацкага білета не прадугледжаны.

Пры запісе ў бібліятэку чытач абавязаны азнаёміцца з Правіламі карыстання Нацыянальнай бібліятэкай Беларусі і засведчыць свае абавязацельствы па іх выкананні асабістым подпісам.

Запіс чытачоў праводзіцца ў рэгістратуры, якая знаходзіцца ў цэнтральным вестыбюлі Бібліятэкі.

Удакладніць інфармацыю аб парадку запісу чытачоў можна па тэлефонах:
(8 017) 368 37 37,
(8 017) 293 28 54.